سكينة العلمي أفصحت ريم فكري عن شعورها بالتعب والإرهاق خلال هذه الفترة، إضافة إلى تعرضها لوعكات صحية متتالية، في الآونة الأخيرة، عبر صفحتها الرسمية بمنصة “إنستغرام”.
ونشرت ريم فيديوهات لها عبر خاصية “الستوري”، معربة: “بغيت نفهم عندي 22 عام والجسم ديالي يا الله كايتبدل، لقيت عندي حساسية ديال القهوة، ديال الحوت، ولبارح كتاشفت أنه ممكن تكون عندي حساسية ديال المشاش حتا هي، أو نكون وليت مريضة بالربو، هادشي غانعرفو ملي غانمشي عند الطبيب وندوز ونعرف شنو كاين”.
كما تحدثت ريم عن فترة نفسية صعبة واجهتها خلال الأشهر الماضية، مضيفة: “دوزت واحد 8 أشهر من حياتي لي كنت كانتعصب فيها كل نهار، وماكانوش أعصاب عاديين، كانتعصب حتى كانبغي نموت، كنظن أن التأثير ديال هادشي يا الله كايرجع ليا دابا”.
مسترسلة: “تلك الفترة كنت سلبية جدا في حياتي، كنت أنشر الأشياء الحزينة فقط، وأهمل عملي، كنت أواجه الكثير من الأشياء آنذاك، وأنتم كنتم تحسون بهذا، لأنني لم أعتد أن أشارك حياتي الشخصية، هو اختيار فقط، لكن مع ذلك لا يمكنك إخفاء بعض الأمور، تعيا ماتخبي الناس كايحسوا بيك من خلال أغانيك، وحتا من الطريقة لي كاتهضر بيها، حتا الضحكة فاش كانضحك كاتبان فيا حزينة ومافرحاناش”.
وتابعت ريم: “دابا يا الله وليت كانولي مزيان، باغا ندير بزاف ديال الحوايج في حياتي، رجعات ليا ديك الإيجابية، كانحس براسي فرحانة، كانمرض، كانحس براسي ضعيفة في الوقت لي باغا نحقق بزاف ديال الحوايج، باغا نخدم ونسافر، ماكانقدرش حيث الصحة ديالي مامساعدانيش، ولكن الحمد لله على كل حال”.
واختتمت حديثها بخلاصة، مفادها: “ملي كنت كانتعصب وكانعاني من التوتر، كايجي شي واحد كايقول ليا ماتعصبيش بكل بساطة، ولكن في الأخير عندو الحق، حيث في الأخير جبتها في راسي، يعني غانقوليكم نفس النصائح ماتستريساوش وماتعصبوش، لأن لا شيء يستحق، حاولوا تحكموا في راسكم إلا قدرتوا، ما قدرتوش شربوا الدواء، أو ديروا بعض الرياضات، كاين بزاف ديال الحوايج تقدروا ديروها”.
جدير بالذكر أن الفنانة الشابة، ريم فكري، أصدرت في الفترة الماضية، جديدها الفني بعنوان “سديت البيبان”، على قناتها الرسمية بمنصة“يوتيوب”، الذي حقق نجاحا كبيرا وبلغ حوالي مليون ونصف مشاهدة بعد مرور حوالي أسبوعين فقط على طرحه.
كما تألقت هذه الأخيرة، في أغنية الموندياليتو “Welcome to Morocco”، التي شارك فيها ثلة من رواد الأغنية المغربية الشبابية، منهم حاتم عمور، أسماء المنور، أمينوكس، الدوزي، ديزي دروس، نعمان بلعياشي وزهير بهاوي، ومن إشراف المنتج العالمي ريدوان.
