سكينة العلمي عبرت الفنانة إلهام واعزيز، عن حنينها لذكريات الزمن الجميل، واشتياقها لشخصية “فنيدة”، التي جسدتها في السلسلة الكوميدية “دار الورثة”، عبر صفحتها الرسمية بمنصة “انستغرام”.
ونشرت واعزيز بعض المشاهد من السلسلة، مرفقة بتدوينة مفادها: “من ذكريات الزمن الجميل، فنيدة هاد الشخصية خدات من وقتي وحياتي وصحتي، كنتفكر شحال عانيت معاها وشحال تعذبت، أتحدث عن الكواليس، وتنقول لراسي مالك على هادشي كامل بشوية عليك، ولكن ملي كنتفكر شنو عطاتني هي من بعد الله سبحانه وتعالى، كنسى كلشي، عطاتني أغلى حاجة في الدنيا، “حب الجمهور”، وهذا صعيب باش توصل ليه خصوصا ملي كيكون جمهور مختلف ومن جميع الشرائح، كبار وصغار الحمد لله”.
ووجهت إلهام رسالة إلى جمهورها، معربة: “وهادشي كيحملني مسؤولية اتجاهك أيها الجمهور الرائع، مسؤولية أنني نحتارمك ونقدرك ونقدم لك لي يليق بك ولي كتسناه مني وأكثر، نشاركك قرحك قبل فرحك، ونبكي معاك قبل ما نضحكك ولا نضحك معاك، ونكون جزء منك، كبير ولا صغير كنت، نعيش معك مشاكلك، ونفرح لأفراحك، وتكون رسالتي في الدنيا هي نكونو يد واحدة، وإلا مانفعتك ما نضرك، ما نضر وليداتك، كنبغيكم بزاف”.
لتنهال مختلف التعليقات على المنشور من طرف محبيها، معبرين عن حبهم لها وعن اشتياقهم لسلسلة “دار الورثة”، حيث علقت إحدى المتابعات: “أحسن سيتكوم داز في التلفزة المغربية لحد الآن كانعاود نتفرج فيه”، وقالت أخرى: “أحسن سلسلة دازت خلينا من هاد الحموضة لي كاينة دابا”.
جدير بالذكر، أن دار الورثة سلسلة كوميدية مغربية، عرضت سنة 2009، مكونة من موسمين ومن إخراج هشام الجباري، كما تميزت بمشاركة ثلة من الفنانين، أبرزهم الراحل عبد الجبار الوزير، فضيلة بنموسى، عبد الصمد مفتاح الخير، هاجر عدنان، وغيرهم.
