سكينة العلمي وجه الكوميدي أيوب إدري رسالة إلى الجماهير المغربية، التي ستتواجد في ملعب البيت، لتشجيع المنتخب المغربي في مباراة نصف نهائي كأس العالم، مساء اليوم.
ونشر فيديوهات عبر حسابه الرسمي، معلقا بغضب: “السلام عليكم هذا ميساج للناس لي غاتكون حاضرة في التيران اليوم، خاصة دوك الناس لي نتا كتفرج وهوما كيقولو ليك ماتوقفش، أي واحد غايقولها ليا غاندور فيه حيث هادا نصف النهائي ديال كأس العالم، نوض وقف شجع غوت صفر دير أي حاجة باش تقدر توصل صوتك للاعبين لي كاينين في التيران باش يتحمسوا ويماركيو ونربحو إن شاء الله”.
مضيفا: “باغي تكلس ما تجيش للتيران سير تفرد في شي قهوة ولا ماتجيش لقطر أصلا، حيث أهم حاجة هي تشجع، حنا جينا باش نشجعوا ماشي باش نرتاحوا، نصف النهائي في كأس العالم نقدرو نعيشوه مرة في الحياة، مضيعش عليك هاد الفرصة ومضيعهاش على بلادك”.
و أعرب هذا الأخير عن استيائه من بعض الفئات من الجماهير، هدفها الوحيد هو التقاط الصور وليس التشجيع، قائلا: “مافيها باس تجي لقطر دير سطوريات، يبقاو ذكريات ولكن مايكونش هذا هو الهدف الأساسي خاصك تشجع، عارف بزاف ديال الناس سواء بنات ولا دراري جديد عليهم هادشي، بغيت نقوليهم القاعدة الأولى ديال التيران هي التشجيع “.
واختتم أيوب حديثه، بالقول: “بلادك لاعبة نصف النهائي ديال كأس العالم واش فاهمها ؟ عطيها غا شوية من الجهد، 90 دقيقة من الطاقة غاتفيدها، وغانربحوا إنشاء الله”.
يشار أن أيوب إدري خرج عن صمته قبل أيام، وعبر عن استيائه عقب سرقة أغنيته “مغربي حر” من كلماته وألحانه، التي أصدرها بمناسبة بطولة كأس العالم تشجيعا للفريق الوطني، من طرف الفنان موس ماهر، إذ تم تنزيلها على منصة يوتيوب دون إذن منه.
وبعد اتهامه بالسرقة من طرف الجمهور، صرح هذا الأخير أنه لم يكن يعلم صاحب الأغنية الأصلية، واعتذر من الكوميدي أيوب إدري.
