بلادنا24 بلادنا24 – صفاء بورزيق ا
نشرت الفنانة فاتي جمالي، تدوينة لها عبر حسابها الشخصي بموقع تبادل الصور والفيديوهات “انستغرام”، بمناسبة عيد الأم، تناشد من خلالها وزير العدل، عبد اللطيف وهبي، من أجل تحقيق المساواة بين الرجل والمرأة، وتعديل الحقوق المتعلقة بحقوق المرأة.
وكتبت جمالي في تدوينتها: “أنا مبغاش نحتافل بعيد الأم، بغيت نحتافل بحقوق الأم”.
وأكدت “مليحة العرب”، أن المرأة تحتاج لأبسط حقوقها، والمتمثلة في المساواة بين الجنسين، وليس معايدتها في مواقع التواصل الاجتماعي، قائلة: “الأم ممحتاجاش نهار نكتبوا عليها جملة في مواقع التواصل الاجتماعي، المرأة والأم محتاجة نعطيوها أبسط حقوقها، محتاجا المساواة لي ديما كنت كنسمع عليها ولكن مع الأسف مكيناش، إذا كنت أنا كأم معنديش الحق ناخد بالطاقة الوطنية ولا جواز السفر المتعلق بولدي، لمجرد أنني امرأة، ولكن الرجل يقدر ياخدو بلا موافقة الأم”.
وتابعت حديثها بالقول: “أين هي المساواة؟ كيقولك لا، المرأة تقدر تهرب بولدها، على ماشاء الله شحال من راجل هرب بولادو وخلا المرأة غادي تحماق، أنا مع المساواة، الحق لي تعطى للأب عطيه للأم “.
وأضافت: “أنا كأم حملت وتوحمت وتكرفصت فالحبالة وفالولادة وفالرضاعة كجميع الأمهات، وتكرفصت فالطلاق وعندي الحضانة إتفاقيا، وأنا لي كنضرب تمارة على ولدي وكنصرف عليه بحالي بحال بزاف ديال الأمهات المغربيات. أنا معنديش مشكل مع الشخص، قد ما عندي مشكل مع القانون، لي خصو يعطيني قيمتي فالمجتمع. منذ شهور ولدي بلا أوراق، ودابا خصني نطلع ونهبط فالمحاكم باش ناخد هد الحق لمجرد أني امرأة”.
وطالبت جمالي، وزير العدل، عبد اللطيف وهبي، الاهتمام بالقضايا الأسرية، وإعطاء الأم حقوقها، قائلة: “أكيد المشكل ديالي بسيط بالنسبة للمشاكل الأخرى لي كتواجه الأم، لأنها مجرد امرأة في مجتمع ذكوري”، على حي تعبيرها.
