سكينة العلمي مع اقتراب عيد الحب الذي يصادف 14 فبراير من كل عام، حرصت المؤثرة وصانعة المحتوى كوثر بامو بالتعاون مع الطبيب، الكوميدي وصانع المحتوى، عبيد هلال، على تمرير رسالة مهمة حول مفهوم الحب الحقيقي.
ونشر الثنائي فيديو معبر ومصور بطريقة جميلة ومبتكرة، يظهران من خلاله في أماكن مختلفة، يجسدان نموذج الحب الناجح بين مختلف العلاقات، سواء العاطفية أو مع الذات والمحيط.
ومن خلال الفيديو، يعرف عبيد الحب قائلا: “الحب كلمة كبيرة بغاو يلخصوها لينا في نهار واحد، نهار 14 حنا في هاد الحياة جينا بحب وخاصنا الحب ولكن ماشي في نهار واحد، الحب هو كل نهار، تعطي كل نهار وتاخد كل نهار”.
مضيفا: “كاين لي كايتفرج في أفلام ديال الحب وكاين لي عايش الحب، في الحياة ديالنا كاندوزو من لحضات زوينة ديال الضحك والنشاط ولكن من بعد كلشي كايدوز من فترات صعاب ديال الحزن ديال الغوات، القلق وماعارفش شنو باغي ومعامن، الحب كلمة كتكون من جوج حروف الحاء بمعنى “الحياة” والباء كتعني بقاء، الحياة عندها وقت وكاتسالي والبقاء ماكاينش، ماتسناش نهار باش تقول كانبغيك”.
وبدورها، عبرت كوثر عن مفهوم الحب الحقيقي، معربة: “الحب هو فلسفة كل واحد كيفاش كيحس بيه وكل واحد كيفاش كيعبر عليه، الفلوس ماشي حب، أنت وأنتي غاليين على أي حاجة كاتشرى لأن قلبكم ماعندو ثمن، جسدك وروحك هوما أغلى ماتقدر تعطي لشي إنسان، أحسن هدية تقدر تعطيها ليا هي ثقتك، احترامك والصدق ديالك”.
واسترسلت كوثر: “كاتحس براسك مافاهمينكش ياك وبوحدك؟ الحب هو أفعال قبل ما تكون كلمة، الحب حب الله حب الناس حب الحياة، الحب هو نقطة ضعفك وفي نفس الوقت نقطة القوة ديالك”.
ليختتم الثنائي، حديثهما بالقول: “الحب كل نهار”، لتنهال مختلف التعليقات على الفيديو من طرف رواد مواقع التواصل الاجتماعي وأصدقائهما صانعي المحتوى والفنانين، معبرين عن حبهم للثنائي وإعجابهم بمحتوى وفكرة الفيديو، أبرزهم عادل التاويل، مصطفى سوينغا، أمينوكس، راوية، شيماء عبد العزيز، جيهان كيداري وغيرهم.
جدير بالذكر أن الفيديو، أشرف على كتابته عبيد هلال، وجسد أيضا دور البطولة رفقة كوثر بامو، وتولى مهمة الإخراج يونس راقي، إضافة إلى الجرافيزم من طرف كمال التاويل.
