سكينة العلمي تفاعلت الشقيقة الصغرى، للفنانة دنيا باطمة، إيمان باطمة مع الفيديو المتداول عبر منصات التواصل الاجتماعي خلال الساعات الماضية، الذي يوثق جريمة بشعة تعرضت لها قطتين، حيث دعستهما سيارة عن قصد في الشارع، مما أثار غضب نشطاء منصات التواصل الاجتماعي، مطالبين بمعاقبة صاحب السيارة ومصور الفيديو.
وفي هذا الصدد، نشرت إيمان مقتطفات من الفيديو “المؤثر” و”المؤلم” عبر خاصية “الستوري”، مرفوقا بتدوينة مفادها: “فيديو ضرني في خاطري وماقدرتش نبقى نعاود فيه، أنا عندي قطة مريضة مدة ومامتحملاش نشوفها مريضة وضعيفة كل نهار كنقول غادي تولي مزيان، الناس لي عندهم حيوانات غادي يحسو بيا وغادي يعرفو كيفاش ردة الفعل ديالي من ورا هاد الفيديو”.
مسترسلة: “عارفة أن بعض البشر قلوبها قاسية ومريضة وحجرة، ولينا كنشوفو المرض والبغض وأعمال شيطانية، وقتل وغدر وبزاف وظلم، وواحد ياخد حق الآخر بالظلم ولكن ماكانفهمش الفئة لي كاتقدر دير هاد الجرائم البشعة في حق حيوان ماكايتكلمش طالب غير الرفق بيه ومتسامح، سواء تذبحوا ولا تحرقوا حي ولا دوز عليه بالطوموبيل، ولا تعلقوا ولا تخليه”.
وأضافت إيمان باطمة بتأثر وحرقة، معربة: “مؤخرا تنشر مقطع ديال القط في الطحانة، كيتطحن حي، مابغيتش نشاركوا معاكم ديك الفترة، حيث كفانا طاقة سلبية، مبقيتش كنبغي نشارك حوايج كتجرح حيث ماغاديش نساليو بكثرة الخراب ديال الضمائر ديال بعض البشر، لي ولينا كنعيشو بينهم، هاد الجرائم كيعاقب عليها القانون ديالنا، لكن للأسف كاين لي كيتعاقب وكاين لي لا، هادشي لي ولينا كنعيشوه فيه الإنسان ماباغيش يتغير، ماعارفش منو كيبدا التغيير، حسبي الله ونعم الوكيل في أي مجرم”.
لتوجه حديثها إلى جمعيات الرفق بالحيوانات والسلطات المعنية، قائلة: “خاص هذا المجرم يتعاقب كيفما كان النوع ديالو ولا المكانة ديالو ولا إسموا، ماكايناش السيبة في البلاد، باراكا من الحكرة والظلم، نداء لجمعيات الرفق بالحيوان”.
جدير بالذكر، أن إيمان باطمة تتفاعل من حين لآخر مع مختلف المواضيع التي تشغل الرأي العام، وتبدي رأيها حول مختلف القضايا، عبر صفحتها الرسمية بمنصة “انستغرام”.
وقررت إيمان، مؤخرا التكتم عن حياتها الشخصية، مطالبة متابعيها باحترام خصوصيتها، خاصة بعد فسخ خطوبتها، معبرة: “من المستحيل أن أشارك مشكلا شخصيا أو أمرا يهمني ويخصني عبر خاصية “ستوري” وأتحدث عنه، أو أبرر وأوضح، حتى شي واحد ما من حقو يتدخل أو يتساءل، حيث كاينين أمور شخصية كاتهمني بوحدي، ما كاتزيد حتا واحد آخر استفادة، كانتمنى هذه الضجة والمجهود لي كاديرو باش تعرفو مسائل شخصية، لي كاتهم بني آدم آخر، حاولوا ديروها باش تحلو مشكل كانعيشوه، باش تحاولو تلقاو حل، هذه هي النصيحة ديالي”.
كما وجهت باطمة رسالة إلى بعض الصفحات المهتمة بالفن والمشاهير، مضيفة: “ماكرهتش هادوك الصفحات لي كايبقاو مقابلين فقط هذا قال وهذا شنو كايقصد، هادشي را أقل من تفاهة، حيث حنا ماكايهمناش، حاولوا تجتاهدوا توصلوا الصوت ديال الناس، تحطوا مساعدات، شي حاجة لي غانستافدوا منها، داكشي غاتخربيق”.
