سكينة العلمي يستغل الفنان الكوميدي أسامة رمزي، منصة “انستغرام” لإيصال عدة رسائل إلى متابعيه، والتفاعل مع مختلف المواضيع الراهنة، خاصة المنتشرة على منصات التواصل الاجتماعي.
وفي هذا الصدد، عبر أسامة رمزي عن استيائه من الحياة الخادعة المتفشية في عالم “الويب”، وتأثيرها على فئة كبيرة من المراهقين والشباب، حيث استهل تدوينته بجملة مفادها: “ماتيقوش بنجاحات الأنترنيت!”.
وتابع رمزي حديثه، معربا: “الشباب وصلو لواحد المرحلة صعيبة وكيعيشو ضغط ماشي طبيعي من العائلة، من الوسط فين هوما ومن قصص النجاح الوهمية ديال الأنترنيت، كلشي ولا كيقلب على أسهل طريقة وأسرع طريقة باش ينجح باش يدير فلوس، ويعرفوه الناس باش يرتاح ويحيد واحد الهم فوق كتافو، وسائل التواصل للأسف دمرات وغادي تدمر بزاف ديال الناس حيث كيخليوك تشوف عالم الرفاهية ولكن ماكتعرفش آش وراه في الكواليس، ماعمر قدرت نفهم صحاب مقولة الفلوس ماشي مهمة، اه الفلوس ماشي مهمة إلا كانو عندك”.
مسترسلا: “ديك الهضرة ديال فيق وكافح وثابر، را كلشي كيفيق وكاين لي ماكيديهش النعاس كاع، إيلا وصلتو لشي حاجة ومن أسبابها الفلوس قولوها، ولا دوك الأمثلة لي كيخرجو ويقولو أنهم كانوا كوسالا ويعاودو قصص كيضحكو، واكيفاش بغيتي هاداك اللي في ليسي ولا كوليج ولا أي مستوى دراسي غا يكرفص راسو ويقرا وهو كيشوف مثال قدامو”.
ووجه رمزي رسالة إلى متابعيه، مضيفا: “ماتيقوش بالرفاهية ديال لوطيلات والديور وطوموبيلات والله القسم إلا فيهم بزاف كون تسمعو مشاكلهم في السلف والنصب غادي تصدمو، وأهم حاجة باغي نقول هي ما عمر دير شي مشهور كيفما كان شخصية مقدسة وأي حاجة قالها ولا دارها راها صحيحة وإيلا تبعتيها غاتنجح، هادشي ماكايعنيش إيلا بغيتي تكون شي حاجة ماتسعاش ليها لا بالعكس ديرها غير ديرها بطريقتك وخدم عقلك وماشي أي طريق خدا شي واحد غاتكون طريقك حتى نتا”.
ليختتم حديثه، قائلا: “والنصيحة لي مايمكنش نختالفو عليها هي توكل على الله وماتيقش بأي حاجة كاتشوفها والسلام عليكم، الله يسهل عليكم”.
جدير بالذكر أن الكوميدي أسامة رمزي، فاجأ متابعيه، خلال الفترة الأخيرة، بخبر خطوبته، من شابة تدعى أميرة مرتضى، تدرس الطب، وصانعة محتوى على منصة “انستغرام”.
وحرص الثنائي على التكتم عن علاقتهما طيلة المدة الماضية، قبل أن يتقاسم أسامة صورة له رفقة أميرة من حفل الخطوبة، معلقا: “في عيد ميلادي أقولها، أميرة أحسن كادو جاني في حياتي، يا واد يا رومانسي”.
