سكينة العلمي يحظى الفنان رشيد الوالي، بعلاقة مميزة مع جمهوره، الذين يكنون له الاحترام والتقدير، ويتفاعلون مع كل أفكاره وآرائه التي ينشرها على صفحته الرسمية بمنصة “انستغرام”.
وفي هذا الصدد، تقاسم الفنان رشيد الوالي، صورة معبرة، يظهر فيها رفقة زوجته ابتسام شكارة، التي تسبقه بخطوات وهو يليها، مطالبا متابعيه بمشاركة قراءاتهم واستنتاجاتهم حول الصورة عبر خاصية التعليقات، معربا: “شكون في هاد الصور اللي سابق واش الراجل ولا المرأة، كاين اللي غادي يقول هي لي سابقاه، وكاين لي غادي يشوف بلي هو ختار المكان وخلاها تشوفو باش تقرر، وكاين لي غادي يشوفها كتقلب عليه وهو موراها مخبي، وكاين لي غادي يقول هي عايقا بيه ولكن دايرة براسها ماشافتوش، كاين لي فيه الشك، وغادي يشوف بلي تابعها يشوفها معامن دايرة موعد”.
مضيفا: “وكاين لي عايش لحظة ديال الطلاق وغادي يقول خلاتو وزادت خلفة، وكاينة اللي مخنوقة وكتشوف بلي المساحة بيناتهم خاصها لازم تكون باش تتنفس، وكاين لي غادي يفهم بلي هوما في كوكب آخر وكاين لي غادي يقول آدم وحواء في عالم مفيه حد من غيرهم بزوج”.
ليختتم الوالي حديثه، معربا: “مهما اختلفت القراءات كيبقا وجودنا بزوج هو كلشي، محد مراتي معايا ولا حدايا، هي في قلبي وما دامها في قلبي غادي يبقى عندو سبب باش يعيش، الصورة ماشي بريئة، أشنو رأيكم؟”.
ليتوصل الفنان رشيد الوالي بمختلف وجهات النظر حول الصورة من طرف نشطاء منصات التواصل الاجتماعي، حيث قالت إحدى المتابعات: “أنا بان لي في الصورة أن المرأة كطلع للمستقبل وهي مبتاسمة وعندها طموح، كتزيد خطوات للقدام لأنه وراها زوجها وسندها والقوة لي كتعتبر الدوافع ديالها باش تتقدم وهي مطمئنة وسط ضجة وقساوة الحياة”. في حين عبرت أخرى عن إعجابها بالعلاقة الوطيدة التي تجمع الفنان رشيد الوالي بعائلته، معربة: “كاتعجبني طريقتك في التعبير، وعلاقتك بابتسام وسليم وآدم، وعائلتك بصفة عامة الله يخليكم ديما مجموعين”.
وبدورها، علقت زوجته ابتسام شكارة على الصورة، قائلة: “الله ينور طريقك”.
جدير بالذكر، أن الفنان رشيد الوالي لطالما يعبر عن حبه الكبير لأسرته، كما يحث على ضرورة استغلال الوقت وخلق لحظات جميلة معها، مجسدا أهميتها في حياة كل إنسان.
