بلادنا24 ألهبت الفنانة، كوثر براني، منصة أبي رقراق بالعاصمة الرباط، مساء أمس الأحد، ضمن فعاليات مهرجان ”Rab’Africa” الصيفي.
وفي هذا الحوار، أجابت كوثر براني عن تساؤلات ‘‘بلادنا24”.
هل هناك جديد فني من المرتقب طرحه غير أغنية ”عروسة”؟
”كاين الجديد من غير عروسة، حاليا كنخدمو على واحد الكوكطيل شعبي، وكنخدمو على أغنية عندها علاقة بالعرس المغربي، ولكن هاد المرة بالريفية والأمازيغية بطريقة البندير لي عندنا معروفة في إزران، غايكون فيها واحد الروح أمازيغية”.
هل من الممكن أن نراك رفقة فنان آخر، كالفنان سعد لمجرد أو أسماء المنور؟
”تقدرو تشوفوني مع مغني آخر. ممكن، علاش لا”.
ما سبب نجاح أغنية ”المكتوب”؟
”أغنية المكتوب هي أغنية لي حساسة، خارجة من القلب داكشي علاش وصلت لقلوب الناس، لأنها كتحكي على قوة المكتاب حيث أحيانا المكتاب كيكون أقوى من الحب”.
ما رأيك في عدم تفاعل الفنانين مع الفنانة الشعبية خديجة البيضاوية؟
”الفنانة خديجة البيضاوية فنانة لي عندها بصمة كبيرة، ووحدة من أسس الأغنية الشعبية المغربية، وكنتمنالها ياربي الشفاء العاجل”.
ما رأيك في تفاعل الجمهور، خاصة بعد أزمة كورونا؟
“الجمهور كان اليوم واعر بزاف، ماسخيتش نهبط من على الخشبة، كان واحد التفاعل زوين بزاف. تبارك الله على الجمهور”.
كلمة أخيرة لجمهورك ومتابعيك؟
”الجمهور كامل كنحييه من طنجة للكويرة، وكذلك المغاربة المقيمين بالخارج”.
