بلادنا24 أشعلت فرقة ”Ribabfusion” منصة أبي رقراق بالعاصمة الرباط، أول أمس الأحد، في ختام فعاليات مهرجان ”Rab’Africa” الصيفي.
وفي هذا الحوار، أجاب فلان بوحسين، قائد مجموعة ”Ribabfusion” عن تساؤلات ”بلادنا24”.
هل هناك “ديو” أو أعمال فنية جديدة من المرتقب طرحها؟
”قريب إن شاء الله كاين ديو، كاين أعمال فنية كثيرة جاية في الطريق. كاين ديو مع واحد الفنان فرنسي، وواحد الجولة في الديار الأمريكية، والبلجيكية”.
هل هناك عمل مغربي جديد؟
”كاين واحد العمل مغربي مع “Mazagan”، وكاين عمل آخر مع فنان مغربي نخليوه مفاجئة”.
من هو هذا الفنان، هل من الممكن الكشف عن ”الستايل” الخاص به؟
”باش منحرقوش المراحل، ستيل ديال هاد الفنان بوب، أي الموسيقى العصرية الجديدة”.
ما هو سر نجاح أعمالكم الغنائية؟ وتفاعل الجمهور بطريقة خيالية؟
”السر ديالنا هو المزيج ديال الثقافة المغربية الأمازيغية مع ثقافة العالم، مع واحد المزج مع الريكي مع البوب، هادشي لي كيحعل الجمهور يتفاعل وكل واحد فيهم فين كايلقا راسو، كاين لي كايلقا ذاتو في المقطع الأول من الأغنية، وكاين لي في المقطع الثاني، كتكون الريفية الأمازيغية. فهذا هو الخليط وهادي هي العجنة ديال المغاربة، الحمد لله، لي كتعبر على التلاحم والأخوة لي بيناتنا”.
كلمة أخيرة للجمهور المغربي؟
”حنا فرحانين بزاف بالتواجد ديالنا هنا في الرباط في مهرجان ”Rab’Africa”، لي هو واحد الملتقى ديال الفنان وديال الثقافات، وكنشكر الجمهور والصحافة لي سهرات على تغطية هذه الأجواء”.
