سكينة العلمي فتح الكوميدي أيوب إدري باب النقاش حول كأس العالم للأندية، المقرر تنظيمه في المغرب عبر صفحته الرسمية بمنصة “إنستغرام”.
ونشر هذا الأخير فيديو، يطالب من خلاله متابعيه بالتفاعل مع الموضوع والإجابة على سؤالين مهمين، قائلا: “كاملين تبهرنا بافتتاح بطولة كأس العالم في قطر، شفنا حضور الممثل مورغن فريمن وداك الدري الصغير، وبدأ الحفل بآيات من القرآن الكريم إلى آخره، إلى جانب الحفل الختامي الذي تميز بعروض فنية وحضور فنانين عالميين ومغاربة، فالسؤال المطروح هو أننا بكوننا غانظمو كأس العالم للأندية، في شهر 3، أشنو غانديرو في الافتتاح؟ مع العلم أن المغرب الرابع عالميا في المونديال، واحتل الطوندونس العالمي، واش غانكونو قادرين على تنظيم الحدث، ولا غادي ندربو كاع داكشي لي دار الركراكي ولي دار سيدنا ولا القجع في الزيرو”.
مضيفا: “أنا عارف بلي التحضيرات بدات ديال حفل الافتتاح، ولكن في نظركم نتوما أشنو غانديرو في هذا الحفل؟ باش نوصلو حتا حنا ثقافتنا ونوصلو للعالم كامل تقاليدنا وهويتنا، مع العلم أننا دوزنا تجربة خايبة في سنة 2013 و2014، كان افتتاح كارثي مع كامل احتراماتي للناس ديال فن العيطة والشيخات، ولكن ماشي غير هادشي لي كاين في الثقافة ديالنا المغربية، كاينين بزاف ديال الحوايج، في نظركم وإلا كنتو نتوما عندكم القرار أنكم تنظموا هذا الحدث شنو تبغيو تشوفو، وتبغيو العالم كامل يعرف على المغرب؟”.
وتابع أيوب: “عمرنا ما سولنا راسنا هذا السؤال، شناهو المغرب بالنسبة ليك نتا؟ أنا بغيت إجابات وازنة باش نديرو تقييم ديال المنظور ديالكم على المغرب وتعم الفائدة”.
وتفاعل رواد مواقع التواصل الاجتماعي مع الفيديو، معبرين عن آرائهم حول الموضوع، حيث علق البعض: “الزليج، الزرابي، الفخار، اللباس المغربي المتنوع ما بين منطقة ومنطقة يجسدوه الدراري الصغار، طربوش المغربي، التعايش ما بين الأديان”، وقال آخرون: “الصناعة التقليدية خاصها تكون مزينة كاع المداخل باش يكون تسويق للمنتوج المغربي والحرفيين، وبالنسبة للعروض الفنية ماخاصش يكون تركيز على الغناء عندنا مواهب رياضية”.
