سكينة العلمي أضفت الأمهات سحرا خاصا على الاحتفال التاريخي، الذي حظي به المنتخب المغربي، يوم أمس، عقب قدومه من قطر إلى المملكة المغربية، وسط استقبال جماهيري غفير، وترحيب من طرف جلالة الملك محمد السادس، الذي وشح اللاعبين بأوسمة ملكية احتفاء بإنجازاتهم غير المسبوقة في بطولة كأس العالم، بحضور أمهاتهم.
صور ومشاهد مؤثرة، جسدت مكانة الأم المقدسة، باعتبارها الداعم الأول، ورمزا لمجموعة من القيم الإنسانية، التي يتميز بها المجتمع المغربي.
في هذا الصدد، علق الكوميدي أسامة رمزي على هذه الصور قائلا: “الأم المغربية كل واحد فينا غادي تسولو عليها غادي يقول ليك هاديك را حياتي را الحب الأبدي، ولكن واحد التفصيل عندنا في المغرب اللي واعر بزاف، هو حتى أم الآخر كاتحس بيها بحال الواليدة ديالك، داكشي علاش والدين اللعابة بلا منحسو بنينا معاهم واحد العلاقة ديال هادو را مواتنا كاملين، وفاش شفناهم في القصر الملكي مع الملك فرحنا ليهم وبيهم، بحال إيلا واليدينا تما”.
مضيفا: “هكا حنا المغاربة كاتلقى امرأة هازة الثقل كاتقول ليها غانعاونك وتخلي ليها بلاصتك في الطرونسبور ودوزها قدامك والأم المغربية ديما كاتعتابر صحاب ولدها ولادها وكاتعاملهم على هذا الأساس”.
ووجه نصيحة إلى متابعيه، مسترسلا: “اللي عندو ميمتو الله يخليها ليه، واللي ماعندوش الله يرحمها، وكانقول ليه ماتخافش أي امرأة مغربية غادي ديرك ولدها وغادي تحس بداك الدفئ اللي محتاجو، هادشي اللي عندنا نعمة وبفضل وليد ووليداتو كان فرصة باش نقولو باللي حنا المغاربة عندنا شي حوايج ماكايتخلصوش بمال الدنيا، حيث عندنا بحال الدم في العروق وماخاصناش نتخلاو عليه”.
واختتم حديثه، معبرا: “كانكتب هادشي وفيا التبوريشة قسما بالله”.
يذكر أن الكوميدي، أسامة رمزي، تقاسم مع جمهوره ومحبيه عبر صفحته الرسمية بمنصة إنستغرام، لحظات مؤثرة ومليئة بأحاسيس الفرحة والفخر، أثناء تواجده في قطر لتشجيع ومساندة المنتخب الوطني في بطولة كأس العالم، بجانب العديد من الفنانين والمؤثرين.
