سكينة العلمي اختارت الفنانة منال بنشليخة، توجيه رسالة خاصة إلى جمهورها ومحبيها عبر خاصية “الستوري”، على حسابها الشخصي بمنصة “إنستغرام”، بمناسبة العام الجديد.
وعبرت هذه الأخيرة عن مشاعرها، وتحدثت عن بعض النقط التي تخص حياتها الشخصية والفنية، قائلة: “مابغيتش نقوليكم سنة سعيدة، بغيت نهضر معاكم حيث شحال هادي ماهضرنا وشحال ماعبرتش على راسي، بغيت نقوليكم بلي فرحانة وكنحمد الله كل نهار عليكم وعلى الحب لي كاتعطيوني، على التشجيع والطاقة الإيجابية، خاصة الناس لي كيصيفطو ليا ميساجات، وكنقول هادشي حيث كانحس بيه”.
مسترسلة: “فاش كنتلاقا معاكم وكنهضر معاكم، كتعنقوني وكنحس بكاع الحب لي كاتعطيوني، كانقول هادشي لي كاندير را عندو قيمة، هاد العذاب والشكوك مامشاوش هكاك”.
وأوضحت منال، أن المجال الفني مجال صعب ويتضمن العديد من العراقيل، مضيفة: “أنا عارفة بلي هادشي لي كانديرو كايبان ساهل وكيبان ليكم غا داكشي الزوين، بحال الشهرة والأضواء، البلايص الزوينة وكنغني في بطولة كأس العالم، هوما حوايج زوينة الحمد لله، ولكن الوقت لي بقا كامل عبارة عن شكوك، التوتر وبزاف ديال الحوايج كيخليوني نفكر في واش أنا غادة في طريق مزيانة”.
وتابعت منال: “وبالفضل ديال التفاعل الإيجابي ديالكم، كنبغي نعطي الجهد ديالي كامل، وهاد العام تعلمت بزاف ديال الحوايج خاصة فيما يتعلق بالجانب النفسي، حسيت براسي إنسانة جديدة، وهاد العام بغيت نكون أنا وما بقيتش غانخلي شي واحد يأثر عليا سلبيا على النفسية ديالي كيما كان هاد الشخص، وبغيت نخوض تحديات لي عمرني درتها”.
وشوقت الأخيرة، جمهورها لألبومها الجديد، معبرة: “هادشي غادي تلاحظوه في الألبوم الجديد، وكانهضر على الموسيقى حيث هي حياتي، حياتي كاملة دايرة عليها، اختياراتي وقرارتي وبزاف ديال الحوايج، الموسيقى هي الأصل ديالهم، كنخدم كل النهار ومابغيتش نخرج شي حاجة ماكاملاش، الأغاني ديالي كاملين لي خرجت هذه السنوات فرحانة بيهم ولكن مامقتانعاش بيهم بزاف”.
ووعدت محبيها بإصدارها العديد من الأعمال هذه السنة، قائلة: “هاد العام غايكون ديال الموسيقى وديال الألبوم، التحديات، الحياة وديال الحقيقة ديالي بصفتي إنسانة وفنانة، قررت نبقا نعبر على راسي في جميع المواضيع والميادين، إنشاء الله”.
وفي نفس السياق، وجهت منال نصيحة لجمهورها مفادها: “تيقوا في راسكم، لي كان غايدير شي حاجة يديرها، ماتسولوش بزاف الناس باش مادوخوش، وأي حاجة كاديريها ديروها بالحب، بالنية وبالخدمة، ماتعولوا على حتا شي حد، حيث إلا نجحتوا غاتنجحوا راسكم والا خسرتوا غاتخسروا راسكم، توكلوا على الله وماتحقدوا ماتحسدوا، ربي را كايعطي وكاياخود”.
يذكر أن الفنانة منال بنشليخة تألقت في سنة 2022، بإصدارها أعمالا غنائية ناجحة، أبرزها الأغنية الخاصة ببطولة كأس العالم “Light the sky”، رفقة مجموعة من الفنانات العربيات، ومن إنتاج المنتج العالمي رضوان.
وولا ننسى مشاركتها المميزة في الحفل الختامي للمونديال في قطر، الذي استمر 15 دقيقة، قدمت فيه منال عرضا رفقة قائمة طويلة من النجوم العرب والعالميين، منهم الفنانة الإماراتية بلقيس، ورحمة رياض، نورا فتحي، GIMS وغيرهم.
